Búgin Tokıoda Paralımpıada oıyndarynyń jabylý saltanaty ótedi

TOKIO. Kyodo-QazAqparat – Búgin, keshke Tokıoda Paralımpıada oıyndary aıaqtalady. Koronavırýsqa baılanysty kóptegen máseleler týyndaǵandyǵyna qaramastan jarys sátti ótti, dep habarlaıdy, QazAqparat Kyodo agenttigine silteme jasap.

8 tamyzda aıaqtalǵan Olımpıada oıyndaryndaǵydaı, jabylý saltanaty bos oryndar aldynda ótedi, oǵan tek belgili bir sheneýnikter men joǵary laýazymdy tulǵalar, sonyń ishinde Japonııanyń murager hanzadasy Fýmıhıto jáne Tokıo gýbernatory ıÝrıko Koıke qatysady.

Paralımpıada oıyndaryna 162 el men aımaqtan 4400-ge jýyq sportshy, sondaı-aq bosqyndardyń shaǵyn toby qatysty.

Jabylý saltanatynda Paralımpıada jalaýy Frantsııa astanasyndaǵy 2024 jylǵy Jazǵy oıyndardyń ókili retinde Parıj meri Anna Idalgoǵa syıymdylyǵy 68000 adamdyq bas stadıondaǵy qazandyq óshirilmesten buryn tabystalady.

«Meniń oıymsha, bul oıyndar sensatsııalyq jarys boldy. Báseke keremet boldy, kez kelgen múmkin bolatyn sport túrinen álemdik rekordtar jańartyldy», - dedi Halyqaralyq paralımpıada komıtetiniń prezıdenti Endrıý Parsons jabylý saltanaty bastalmastan birneshe saǵat buryn ótken baspasóz máslıhatynda.

Paralımpıada oıyndarynda 22 sport túrinen 539 medal jıyntyǵy sarapqa salyndy. Jarysqa alǵash ret taekvondo men badmınton qosyldy.