Búgin - Sábıt Muqanovtyń týǵan kúni

ASTANA. QazAqparat - Osydan 116 jyl buryn, 22 sáýirde qazirgi Soltústik Qazaqstan oblysy Jambyl aýdanynda qazaqtyń ataqty jazýshysy, aqyn, dramatýrg, ádebıet zertteýshisi jáne synshysy, Qazaqstan Ǵylym akademııasynyń akademıgi Sábıt Muqanov dúnıege keldi.

Sábıt Muqanov qazaq ádebıetinde roman janrynyń damýyn bıik shyńǵa kóterdi. «Jumbaq jalaý» (keıinnen «Botakóz») romanynda revolıýtsııalyq alasapyran kezdi basynan ótkergen qazaq áıeliniń taǵdyry beınelense, «Syrdarııa» romanynda Uly Otan soǵysy kezindegi tyldaǵy eńbekshilerdiń qaısarlyǵy, halyqtar dostyǵy, urpaqtan-urpaqqa jalǵasqan úndestik sóz etilgen. «Aqqan juldyz» dılogııasy áıgili ǵalym Shoqan Ýálıhanovqa arnalǵan. «Ómir mektebi» trılogııasynda avtor óz ǵumyryn kezeń-kezeńmen áńgimeleı otyryp, qazaq halqynyń jarty ǵasyr boıǵy tarıhynyń da shynshyl shejiresin jasaıdy. Shyǵarmalary TMD jáne sheteldiń birqatar tilderine aýdarylǵan.

Abaı atyndaǵy memlekettik syılyqtyń laýreaty. Eki ret Lenın ordenimen, eki ret Eńbek Qyzyl Tý, «Qurmet belgisi» ordenderimen jáne medaldarmen marapattalǵan.