Búgin Premer-Mınıstr Almatyda ótip jatqan ekonomıkalyq forýmǵa qatysady

ASTANA. QazAqparat - Búgin QR Premer-Mınıstri Álıhan Smaıylov Almatyda ótip jatqan «Eýropalyq Odaq – Ortalyq Azııa» ekinshi ekonomıkalyq forýmyna qatysady, dep habarlaıdy QazAqparat.

Úkimettiń resmı saıtynyń jazýynsha, forýmnyń paneldik sessııalary aıasynda eki óńirdiń ekonomıkalyq qarym-qatynasyn nyǵaıtýdyń ózekti máseleleri talqylanyp jatyr. Olardyń ishinde:

kásipkerler arasyndaǵy saýda baılanystaryn damytý;

mýltımodaldy júk tasymaldaryn júzege asyrý;

saýda marshrýttarynyń ınfraqurylymyn jańǵyrtý;

kommertsııalyq operatsııalardy júrgizý salasynda tsıfrlyq sheshimderdi engizý;

memlekettik retteý jáne t.b. bar.

Joǵary deńgeıdegi sessııaǵa Qyrǵyzstan, Tájikstan premer-mınıstrleri, Túrikmenstan jáne Ózbekstan úkimetteriniń resmı ókilderi, Eýrokomıssııa, Eýropa elderi memlekettik organdarynyń jáne halyqaralyq qarjy uıymdarynyń basshylary, isker top ókilderi jáne t.b. qatysady dep kútilýde.

Forým aıasynda Qazaqstan Úkimetiniń basshysy birqatar ekijaqty kezdesý ótkizedi.