Búgin - Otan qorǵaýshy kúni

ASTANA. QazAqparat - 1992 jyldyń 7 mamyrynda Memleket basshysy Nursultan Nazarbaevtyń Jarlyǵymen Egemen el - Qazaqstan Respýblıkasynyń Qarýly Kúshteri quryldy.

2012 jyly QR Úkimeti 7 mamyrdy memlekettik mereke - Otan qorǵaýshy kúni retinde belgiledi.

Osylaısha, jalpyulttyq merekege aınalǵan 7 mamyr - aıbyndy áskerdiń aıtýly kúni retinde jyl saıyn atalyp ótip keledi.

Derbes eldiń Qarýly Kúshteri qurylǵan ýaqytta Joǵarǵy Bas Qolbasshylyq Prezıdentke júktelse, Táýelsiz eldiń tuńǵysh Qorǵanys mınıstri bolyp general-polkovnık Saǵadat Nurmaǵanbetov taǵaıyndaldy. 1992 jyly QK Joǵarǵy Bas Qolbasshynyń Jarlyǵymen Qurlyqtaǵy ásker, Əýe qorǵanysy kúshteri men Əskerı-teńiz kúshteriniń bas shtabtary bekitilgen edi. Aeroutqyr kúshterge Joǵarǵy Bas Qolbasshynyń rezervi quzyry berilip, 2001 jyldan bastap Qazaqstan Ortalyq, Ońtústik, Batys jáne Shyǵys - tórt áskerı óńirlikterge bólindi. 2012 jylǵy 3 mamyrda Nursultan Nazarbaevtyń «Qazaqstan Respýblıkasy Qarýly Kúshteriniń 20 jyldyǵy týraly» Buıryǵy negizinde «Otan qorǵaýshy kúni» bekitilip, onyń qurmetine 2013 jyly Astanada tuńǵysh ret jaýyngerlik parad ótti. Oǵan 7 myńnan astam áskerı qyzmetshi, 400 birlikten asa áskerı tehnıka, 86 ushaq pen tikushaq tartylǵan edi.