Búgin Oralda halyq sportynyń IV oblystyq oıyndary bastalady
Bul saıystarǵa oblystyń barlyq óńirinen 1 500-den astam sportshy qatysýda. Jarystar sporttyń 14 túri boıynsha, atap aıtqanda voleıbol, shaǵyn fýtbol, toǵyzqumalaq, doıby, shahmat, kir tasyn kóterý, armrestlıng, qazaqsha kúres, ústel tennısi, otbasylyq jarystar, bılıard, sambo jáne t.b. sport túrderi boıynsha ótedi.
Uıymdastyrýshylardyń aıtýynsha, bul oıyndardyń basty maqsaty -salaýatty ómir saltyn nasıhattaý.
Bul oıyndar Qazaqstannyń Azamattyq Alıansynyń «Biz - bir komandamyz!» aqparattyq áleýmettik naýqanynyń aıasynda ótkizilýde. Qazaqstannyń túkpir-túkpirinde osyndaı 25 shaqty is-shara ótti. Atap aıtqanda, osynaý aktsııa aıasynda Temirtaýda sporttyq alańdardy qalpyna keltirý sharasy, Pavlodarda «Іzgilik sabaǵy» ótti, Astanada «Soǵys týraly estelikter» respýblıkalyq aktsııasy uıymdastyryldy jáne Múmkindikteri shekteýli balalarǵa arnalǵan «Balam-aı» ortalyǵy ashyldy. Al Qostanaıda «Men este saqtaımyn! Men maqtan etemin!» aktsııasy, Aqtóbe, Almaty, Shymkentte «Bolashaq úshin ótkendi saqtaıyq!» aktsııalary, Vıacheslavkada alma baǵyn otyrǵyzý sharasy ótti.