Búgin on úsh qalada aýa sapasy buzylady

ASTANA. QazAqparat – 7 jeltoqsanda Qazaqstannyń birneshe qalasynda ǵana qolaıly meteorologııalyq jaǵdaı saqtalady, dep habarlaıdy QazAqparat.

«Qazgıdromet» RMK baspasóz qyzmeti taratqan málimetke sensek, 7 jeltoqsan, sársenbi kúni elimizdegi qalalardyń basym kópshiliginde meteorologııalyq ahýal birqalypty bolady.

Tek Astana, Aqtóbe, Qaraǵandy, Temirtaý, Balqash, Jezqazǵan, Kókshetaý, Qostanaı, Pavlodar, Petropavl, Rıdder, Semeı jáne Óskemen qalalarynda aýa sapasy birshama nasharlaıdy.

Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.