Búgin Qostanaıda aýa sapasy nasharlaıdy
05:09, 31 Jeltoqsan 2022
ASTANA. QazAqparat – 31 jeltoqsanda Qazaqstan aýmaǵynyń basym bóliginde qolaıly meteorologııalyq jaǵdaı saqtalady, dep habarlaıdy QazAqparat.
«Qazgıdromet» RMK baspasóz qyzmeti taratqan málimetke sensek, 31 jeltoqsan, senbi kúni elimizdegi qalalardyń basym kópshiliginde meteorologııalyq ahýal birqalypty bolady.
Tek Qostanaı qalasynda ǵana aýa sapasy nasharlaıdy.
Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.