Búgin «Qazaqstannyń ındýstrııalyq ómiriniń 7 kúni» atty aqparattyq naýqan bastaldy

ASTANA. 29 maýsym. QazAqparat - Bıyl - Prezıdenttiń ındýstrııalandyrý baǵdarlamasynyń alǵashqy besjyldyǵynyń 4-shi jyly.

Baǵdarlama ártaraptandyrý arqyly ekonomıkanyń turaqty jáne teńgermeli ósýin qamtamasyz etýge jáne onyń básekelestik qabiletin arttyrýǵa baǵyttalǵan.

Memleket Basshysy N.Nazarbaev atap ótkendeı, «eki bes jyldyqta bizdiń ekonomıkamyzdyń beınesin ózgertý» mindeti qoıylyp otyr. Ótken kezeńde ne jasaldy? Aralyq nátıjeler men áleýmettik-ekonomıkalyq tıimdilik qandaı? Bul týraly 29 maýsymnan bastap 5 shilde aralyǵynda Qazaqstandyq buqaralyq aqparat quraldarynda kún saıyn jarııalanady.

Aptanyń ár kúni bir taqyrypqa arnalady. Atap aıtqanda 29 maýsym - Qazaqstandyq eksport, 30 maýsym - Shaǵyn jáne orta bıznes, 1 shilde Aımaqtar jáne adamdar, 2 shilde - Infraqurylym, 3 shilde - Innovatsııalar, energııa únemdeý, eńbek ónimdiligi, 4 shilde - Investıtsııalar, 5 shilde - Qazaqstandyq mazmun kúni.

5 shilde kúni tańǵy 9 ben 11 saǵat aralyǵynda «Transport tower» ǵımaratynda ÚIID memlekettik baǵdarlamasynyń Ashyq esik kúni ótedi. Bul is-sharada memlekettik organdar men ınstıtýttardyń ókilderi óz qyzmetiniń aıasyn baıandaıdy jáne de «Taýarlar, jumystar men qyzmetter tizimi» aqparattyq júıesiniń tusaýkeserine arnalǵan otandyq taýar óndirýshi kompanııalardyń fotokórmeleri men dıalogtyq alań jáne dóńgelek ústel uıymdastyrylady.

Kelýshiler ÚIID baǵdarlamasy boıynsha san túrli suraqtarǵa jaýap alady.

Joǵaryda atalǵan máselelerdi talqylaý úshin QR IJTM qurylymdyq bólimsheleri men vedomstvolyq uıymdarynyń jetekshilerimen arnaıy kezdesý uıymdastyrylady.