Búgin - Qazaqstan halqy Assambleıasynyń qurylǵanyna 15 jyl
dep habarlaıdy QazAqparat.
Eldegi qoǵamdyq turaqtylyq pen ultaralyq kelisimdi nyǵaıtý maqsatynda Elbasy Jarlyǵymen 1995 jyly naýryzdyń 1 -inde qurylǵan bul uıym -Qazaqstan Respýblıkasy Prezıdenti janyndaǵy keńesshi organ.
Qazaqstan halqy Assambleıasynyń maqsaty - elimizdegi oqıǵalarǵa baǵa berý jáne saıası jaǵdaılarǵa boljam jasaý negizinde qoǵamdaǵy yntymaqty qamtamasyz etetin is-tájirıbelik usynystardy oılastyrý, QR Prezıdentiniń respýblıka azamattarynyń quqyqtary men bostandyqtaryn qorǵaý kepili retindegi qyzmetine atsalysý.
Qazaqstan halqy Assambleıasy el ishindegi birlikti saqtaýda erekshe ról atqarady. Eldiń yntymaǵyn saqtaýda qazaq halqynyń baýyrmaldyq qasıetin, ózge ulttardyń dostyq nıetin joǵary baǵalaýymyz kerek.
Osy oraıda 2009 jyly qazannyń 26-sy kúni ótkenQazaqstan halqy Assambleıasynyń 15-shi sessııasynda Memleket basshysy Nursultan Nazarbaev: «Dáýir almasyp, zaman ózgerdi. Qazir baıyrǵy qazaq jerinde jańa azamattyq qoǵam qalyptasýda. HHІ ǵasyrda qazaqtar memleket quraýshy ult retinde jańa beleske kóterilip, Qazaqstan halqynyń berik ózegine, senimdi dińgegine aınalýda. Qazaq halqy ózine júktelgen asa mańyzdy jaýapkershilikti sezine otyryp, bul tarıhı mıssııany abyroımen atqaryp shyǵady dep senemin»,- dedi.
Assambleıa mádenı-aǵartýshylyq - tilder men ulttyq mádenıetterdi, salt-dástúrlerdi qaıta jańǵyrtý jáne nasıhattaý, tárbıelik - qazaqstandyq jáne ulttyq otan súıgishtikti qalyptastyrý, ultaralyq qatynastardy qadaǵalaý negizinde ultaralyq tatýlyq pen kelisimdi nyǵaıtý isimen aınalysady.
Sonymen qatar Qazaqstandy meken etken ult ókilderi arasynda dostyq qarym-qatynastardyń damýyna negiz bolatyn memlekettik saıasat júrgizý jóninde usynystar daıyndaıdy.
2007 jylǵy Konstıtýtsııaǵa eńgizilgen túzetýlerge sáıkes Qazaqstan halqy Assambleıasynyń róli arta tústi, soǵan oraı osy uıymdyń 9 múshesi QR Parlamenti Májilis ine depýtat bolyp saılaıdy.