Búgin Qazaqstan áskerleri jaýyngerlik ázirliktiń joǵary dárejesine keltirildi (FOTO)
Ótkiziletin sabaqtardyń basty maqsaty - b elgilengen merzimde qoıylǵan tapsyrmalardy oryndaýda basqarý organdary men jeke quramnyń is-qımyl úılesimin arttyrý.
Bas shtabtyń pármeni boıynsha Qurlyq áskerleriniń toptamasy oqý-jattyǵý ortalyqtary men polıgondarda oqý-jaýyngerlik tapsyrmalardy oryndaýǵa kiristi. Áýe qorǵanysy kúshteriniń quramynan áýege jaýyngerlik kezekshilikti atqaratyn kúshter men quraldar kóterildi, ártúrli tıptegi avıatsııalyq tehnıka qozǵaltqyshtarynyń iske qosylýy júzege asyryldy, qosalqy áýeaılaqtar paıdalanýǵa daıyndaldy. Korablge qarsy, áýege qarsy jáne sýastyǵa qarsy dıversııalyq qorǵanys boıynsha oqý tapsyrmalaryn pysyqtaý úshin teńizge Áskerı-teńiz kúshteriniń korablderi shyǵaryldy.
Qarýly Kúshterdiń toptamasyn jalpy basshylyqqa alýdy Strategııalyq basqarý ortalyǵynan QR Qorǵanys mınıstriniń birinshi orynbasary - QR QK Bas shtabynyń bastyǵy general-polkovnık Sáken Jasuzaqov júzege asyrdy.
Ótken jylǵy jeltoqsannyń sońynda QR Qorǵanys mınıstrliginiń basshylyq quramymen kezdesýde QR Qarýly Kúshteriniń Joǵarǵy Bas Qolbasshysy Nursultan Nazarbaev áskerı qyzmetshilerge qarýly shıelenisterdiń jańa úrdisteri men erekshelikterin eskerý, osy jyly iske asyrylatyn kásibı, jaýyngerlik jáne moraldyq-psıhologııalyq daıyndyqty arttyrý jóninde udaıy jumys júrgizý tapsyrmasyn júktegen bolatyn.
Qarýly Kúshterdiń jaýyngerlik daıarlyǵynyń deńgeıin sapaly arttyrý úshin 2015 jyly 170-ten asa josparly tekseris ótkizildi. Onyń ishinde, 71-i - Qurlyq áskerlerinde, 17-si Áýe qorǵanysy kúshterinde, 1-eýi - Áskerı-teńiz kúshterinde, 85-i basqalarda.
Bıylǵy jyly jaýyngerlik saıystyń «Máńgilik el» tuǵyry - Qýatty Armııa!» atty jalyndy uranymen kenetten jáne josparly tekseris is júzinde jalǵasyn taýyp, onyń qarqyndylyǵy kúsheıtiledi.