Búgin fýtboldan Premer-lıga komandalarynyń ekinshi týry bastalady

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 2-týry bastalady, dep habarlaıdy QazAqparat tilshisi.

Atalǵan týr 9 jáne 10 naýryz kúnderi ótedi. Búgin, 9 naýryzda 4 oıyn bolsa, 10 naýryzda qalǵan 3 kezdesý belgilengen.

Aldymen 9 naýryzda qazanda saǵat 14:00-de «Shahter» (Qaraǵandy) men «Ordabasy» (Shymkent) jasyl alańǵa shyǵady.

Al «Jetisý» (Taldyqorǵan) men «Astana», 16:00-de «Aqtóbe» men «Oqjetpes» (Kókshetaý), 18.00-de «Aqsý» (Pavlodar oblysy) men «Qaırat» (Almaty) komandalary kezdesedi.

Sońǵy úsh oıyn «Qazsport» telearnasynan tikeleı efırde kórsetiledi.

10 naýryzda saǵat 14:00-de «Kaspıı» (Aqtaý) men «Tobyl» (Kostanaı), 16.00-de «Atyraý» men «Qaısar» (Qyzylorda) komandalary kezdesedi.

Atalǵan týrdy 18:00-de «Qyzyljar» (Petropavl) men «Maqtaral» (Túrkistan oblysy) komandalary túıindeıdi.

Eske salsaq, alǵashqy týrdan keıin «Ordabasy» jáne «Tobyl» komandalary kósh bastap tur.