Búgin fýtboldan klýbtar arasyndaǵy álem chempıonaty bastalady
Dúbirli doda 1-11 aqpan aralyǵynda alty qurlyqtan jınalǵan 7 komanda baq synaıdy.
Olardyń qatarynda «Flamengo» (Brazılııa), «Real Madrıd» (Ispanııa). «Al-Hılıal» (Saýd Arabııasy), «Vıdad» (Marokko), «Sıetl Saýnders» (AQSh), «Oklend Sıtı» (Jańa Zelandııa) jáne «Al-Ahlı» (Egıpet) komandalary bar.
Jarystyń alǵashqy kúninde «Al-Ahlı» men «Oklend Sıtı» kezdesedi.
Al 4 aqpanda «Vıdad» pen «Al-Hılıal» sheberlik baıqassa, «Sıetl Saýnders» «Al-Ahlı» jáne «Oklend Sıtı» jubynyń jeńimpazymen oınaıdy.
Jartylaı fınalda 7 aqpanda «Flamengo» «Vıdad» jáne «Al-Hılıal» jubynyń jeńimpazymen kezdesse, «Real Madrıd» «Sıetl Saýnders»/«Al-Ahlı»/«Oklend Sıtı» arasyndaǵy kezdesýlerdiń jeńimpazymn jasyl alańǵa shyǵady.
Týrnırdiń 3-oryn úshin saıys pen fınaly 11 aqpanǵa belgilengen.
Oıyndardyń barlyǵy «Qazsport» telearnasynan tikeleı efırde kórsetiledi.
Atalǵan týrnır 2000 jyldan beri turaqty túrde ótkizilip keledi. Buǵan deıin 11 komanda jeńimpaz atandy.
Atap aıtqanda, Ispanııanyń «Real Madrıd» klýby - 4, «Barselonasy» - 3, Brazılııanyń «Korıntıansy» men Germanııanyń «Bavarııasy» -2, Anglııanyń «Lıverpýl», «Chelsı», «Manchester ıÝnaıted», Brazılııanyń «Internasonal», «San-Paýlý», Italııanyń «Mılan» jáne «Internatsıonale» komandalary bir-birden jeńimpaz tuǵyryna kóterildi.
Eske salsaq, budan buryn aǵylshyn fýtboly óz tarıhyndaǵy eń qymbat oıynshyny satyp alǵanyn habarlaǵan bolatynbyz.
Sondaı-aq, fýtboldan Qazaqstan birinshiliginiń oıyn kúntizbesi jarııalandy.