Búgin fýtboldan Qazaqstan sýperkýbogi ótkiziledi
Sýperkýbok oıyny elordadaǵy «Astana Arena» stadıonynda saǵat 15.00-de bastalyp, «Qazsport» telearnasynan tikeleı efırde kórsetiledi.
Atalǵan kezdesýde byltyr el chempıony atanǵan elordalyq «Astana» men Qazaqstan kýbogynyń ıegeri bolǵan shymkenttik «Ordabasy» klýbtary sheberlik baıqasady.
Bıyl sýperkýbok oıyny óz tarıhynda 16-márte ótkizilmek. Qazirge deıin ol elimizdiń Almaty («Ortalyq»), Astana («Astana Arena»), Qostanaı («Tobyl Arena») jáne Túrkistan («Túrkistan-Arena») qalalarynda boldy.
Buǵan deıin sýperkýbokqa barlyǵy alty komanda qol jetkizdi. Olardyń qatarynda «Astana» - 5, «Aqtóbe» - 3, «Qaırat» pen «Tobyl» - 2, «Shahter», «Ordabasy» men «Elimaı» - 1 márteden enshiledi.
Eske salsaq, budan buryn «Qaısar» afrıkalyq fýtbolshymen kelisimshartqa otyrdy.