Búgin fýtboldan Qazaqstan kýbogynyń tórtinshi týry bastalady

NUR-SULTAN. QazAqparat - Búgin fýtboldan Qazaqstan kýbogynyń toptyq kezeńi tórtinshi týry bastalady, dep habarlaıdy QazAqparat tilshisi.

Tórtinshi týr oıyndary 29, 30, 31 shilde kúnderine belgilengen.

Búgin A tobynda 19:00-de «Ordabasy» (Shymkent) jáne «Atyraý» komandalary kezdesse, 21:00-de V tobynda «Qaısar» (Qyzylorda) jáne «Kaspıı» (Aqtaý) sheberlik baıqasady.

Erteń, 30 shildede 19:00-de D tobynda «Shahter» (Qaraǵandy) men «Jetisý» (Taldyqorǵan), 20:00-de S tobynda «Aqtóbe» men «Taraz» komandalary jasyl alańǵa shyǵady.

Al 31 shildede 18:00-de V tobynda «Qyzyljar» (Petropavl) men «Aqjaıyq» (Oral), 19:00-de D tobynda «Astana» (Nur-Sultan) men «Turan» (Túrkistan), 21:00-de A tobynda «Aqsý» (Pavlodar oblysy) jáne «Qaırat» (Almaty), S tobynda «Maqtaral» (Túrkistan oblysy) jáne «Tobyl» (Qostanaı) oıyndary bastalady.

Eske salsaq, Qazaqstan kýbogynyń toptyq kezeńi 8 shildede jalaýyn kóterdi. Ol 15 tamyzda máresine jetedi.

Jerebe nátıjesi boıynsha 16 komanda tórt topqa bólingen.

Onyń 14-i Premer-lıgada synǵa túsetin klýbtar bolsa, jarystyń úsh satysynda jeńimpaz atanǵan «Qaısar» men «Jetisý» olardyń qataryna qosyldy.

Ashyq kózderden alynǵan foto