Búgin elordanyń sport nysandarynda ulttyq sport túrlerinen jarystar ótedi

ASTANA. QazAqparat - Bıyl kún men túnniń teńeler shaǵy - Naýryz meıramyn elorda turǵyndary men qonaqtary erekshe atap ótpek. Qala ákimdiginiń uıymdastyrýmyen birneshe kún boıy mádenı-buqaralyq sharalar ótedi. Barlyq aýdandar men turǵyn alaptarynda kópshilik nazaryna túrli merekelik sharalar usynylady, dep habarlady búgin Astana ákimdiginiń baspasóz qyzmeti.

Búgin Mıchýrıno, Kúıgenjar, Prıgorodnyı turǵyn úı alaptarynda Dosymjan Tańatarov, Marjan Arapbaeva, Ásem Omarova syndy qazaqstandyq estrada juldyzdary jáne basqada elordalyq toptar óner kórsetti.

Munymen qosa, «Kerýen», «Han Shatyr», «Arýjan», «Kerýen City» (burynǵy «Mega») saýda, oıyn-saýyq ortalyqtarynda shoý-baǵdarlamalar, kontsertter uıymdastyrylyp, onda kelgen qonaqtarǵa baýyrsaq pen naýryz kóje usynylady.

«Alaý» muzaıdyn saraıynda jáne basqa da sporttyq nysandarda ulttyq sport túrlerinen jarystar uıymdastyryldy. Oǵan akrobattar, ártister, BAQ ókilderi men qala turǵyndary qatysty.

Qazirgi kezde mádenı sharalar men halyqtyq serýen jalǵasýda.