Búgin elordada S5+ formatynda kezdesý ótedi

ASTANA. QazAqparat – Búgin elordada Ortalyq Azııa elderi men Eýropalyq keńes arasynda S5+ formatyndaǵy kezdesý ótedi. Bul týraly Eýropalyq keńestiń prezıdenti Sharl Mıshelmen kelissózderden keıingi baspasózge arnalǵan málimdeme barysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Elimiz kópbaǵdarlyq qaǵıdatyn ustanyp, beıbitshilik pen turaqtylyqty nyǵaıtý úderisterine belsene qatysady. Kelissózder barysynda osy máselelerge basa mán berdim. Sondaı-aq Aýǵanstandaǵy qazirgi jaǵdaıǵa Eýropalyq odaqtyń Ortalyq Azııa elderimen óńiraralyq qatynastaryna erekshe nazar aýdardyq», - dedi Memleket basshysy.

Osy rette Qasym-Jomart Toqaev Eýropalyq keńes prezıdenti Sharl Mıshelge búgin tústen keıin elordamyzda S5+ formatynda ótetin kezdesýge qatysýǵa shaqyrýyn qabyl alǵany úshin rızashylyǵyn bildirdi.

«Aldaǵy ýaqytta biz halyqaralyq deńgeıde kúsh-jigerimizdi biriktirip, úılesimdi jumys isteýge kelistik. Jalpy, búgin kelissózderimiz tabysty boldy. Biz yntymaqtastyǵymyzdyń basym baǵyttary boıynsha birqatar kelisimge qol jetkizdik. Sharl Mıshel myrzanyń osy sapary Qazaqstan men Eýropalyq odaq arasyndaǵy baılanystardy nyǵaıta túsýge óz úlesin qosady dep senemin», - dedi QR Prezıdenti.

Foto: richscatering.com