Búgin elimizdiń basym bóliginde kún ashyq bolady - Qazgıdromet

ASTANA. QazAqparat – «Qazgıdromet» RMK-sy sáýrdiń 5-i kúngi kún raıy boljamyn jarııalady, dep habarlaıdy QazAqparat.

Qazgıdromet mekemesiniń málimetinshe, 5-sáýir kúni elimizdiń basym bóligi áli de antıtsıklonnyń yqpalynda bolady. ıAǵnı kún ashyq bolady. Tek respýblıkanyń ońtústiginde atmosferalyq frontaldy bólikterdiń ótýine baılanysty jańbyr jaýady, taýly aýmaqtarda qatty jańbyr jaýady. Respýblıka boıynsha jel kúsheıedi.

Kúndiz Túrkistan oblysynyń taýly aýmaqtarynda qatty jańbyr jaýady.

Túnde Almaty oblysynyń taýly aýmaqtarynda, Jetisý oblysynyń soltústiginde, ortalyǵynda jáne taýly aýmaqtarynda 1-6 gradýsqa deıin úsik saqtalady.