Búgin elimizdiń barlyq óńirlerinde Qazaqstan halqy Assambleıasy jylynyń resmı ashylýy ótedi
Elimizde qoǵamdyq kelisimdi odan ári nyǵaıtý, Qazaqstan halqy Assambleıasynyń halyqtyń ulttyq birligin qamtamasyz etýdegi rólin arttyrý maqsatynda Elbasymyz Nursultan Nazarbaevtyń bastamasymen 2015 jyl Qazaqstan halqy Assambleıasynyń jyly bolyp jarııalandy.
Qazaqstan halqy Assambleıasy óziniń qurylǵan kezinen bastap orasan biriktirýshilik jáne zııatkerlik áleýet jınaqtap jáne halyqtyq dıplomatııa ınstıtýty úlgisine beıimdele otyryp, uzaq damý jolynan ótti. Elimizdegi 100-den asa etnostyń basyn biriktiretin biregeı qurylym turaqtylyqty saqtap, respýblıkanyń ilgerileı damýy úshin mańyzdy rol atqardy. Qazaqstan halqy Assambleıasy búkil álemge Qazaqstannyń etnosaralyq qatynastar salasynda júrgizip otyrǵan saıasatynyń tabysty ekenin pash etip keledi. Qazaqstan halqy Assambleıasy búkil álemge Qazaqstannyń etnosaralyq qatynastar salasynda júrgizip otyrǵan saıasatynyń tabysty ekenin pash etip keledi, dep jazady akorda.kz.
Qazaqstan halqy Assambleıasy jylyn merekeleý Astana men Almatyda, sondaı-aq, QR barlyq oblys ortalyqtarynda birdeı ótkizilmek.
Astanada 6 aqpan kúni 11:00 Beıbitshilik jáne kelisim saraıynda Qazaqstan halqy Assambleıasy jylynyń ashylýy ótedi. Beıbitshilik jáne kelisim saraıynyń aldyndaǵy alańda jastar fleshmoby, al 18:00 - 23:00 aralyǵynda «Alaý» muz aıdyny saraıynda «Qazaqstan halqy Assambleıasy jylynyń bastalýy» sınhron-aktsııasy aıasynda qala turǵyndarynyń buqaralyq konkı tebýi uıymdastyrylady. Osy kúni №71 orta mekteptiń sport zalynda «Esil» aýdanynyń mektep komandalary arasynda basketboldan jaryys ótedi.
7 aqpan kúni qalalyq alańda, «Stýdenttik» saıabaqta jáne «Báıterek» monýmentiniń aldyndaǵy alańda halyqtyq serýen jáne merekelik kontsert uıymdastyrylady. Sondaı-aq, shańǵyrollerlik trassada shańǵy jarysy, «Aqbulaq» muz aıdynynda shaıbaly hokkeı, «Kóńildi start» sııaqty sporttyq is-sharalar ótkiziledi, «Almaty» aýdanynyń turǵyndary konkı tebýge qatysady.
Qazaqstan halqy Assambleıasynyń jylyna oraılastyrylǵan keń aýqymdy is-sharalar jyl boıy jalǵasady. Qazaqstan halqy Assambleıasy Hatshylyǵynyń habarlaýynsha, 2015 jyldyń sońynda - 1 jeltoqsan - QR Tuńǵysh Prezıdenti kúni Qazaqstan halqy forýmynda Qazaqstan halqy Assambleıasy jylynyń qorytyndysy shyǵarylady dep josparlanǵan.