Búgin elimizdiń 10 qalasynda jaısyz meteorologııayq jaǵdaı qalyptasady

ASTANA. QazAqparat – Búgin elimizdiń 10 qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy QazAqparat «Qazgıdrometke» silteme jasap.

«2023 jylǵy 3 aqpanda Petropavl, Qostanaı, Kókshetaý, Pavlodar, Qaraǵandy, Temirtaý, Óskemen, Semeı, Rıdder jáne Astana qalalarynda qolaısyz meteorologııalyq jaǵdaı qalyptasady»,-delingen habarlamada.

Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.