Búgin de birqatar aımaqtardyń oqýshylary qashyqtan bilim alady

ASTANA. QazAqparat - Astanalyq oqýshylar aýa raıyna baılanysty búgin de qashyqtan bilim alady, dep habarlaıdy QazAqparat.

Elordalyq bilim basqarmasy 12 qańtar kúni aýa temperatýrasynyń tómendiginen ekinshi aýysymnyń 0-9 synyp oqýshylary onlaın oqytý formatyna aýystyrylǵanyn málimdedi.

Sol sııaqty, Semeı qalasynda da búgin aýa raıynyń qolaısyzdyǵyna oraı 2 aýysymda oqıtyn 1-9 synyp oqýshylary sabaqty úılerinen oqıdy.

Mańǵystaý oblystyq bilim basqarmasy Jańaózen jáne Aqtaý qalasy boıynsha mektep oqýshylary túgel, Beıneý, Qaraqııa, Mańǵystaý, Munaıly, Túpqraǵan aýdandary boıynsha bastaýysh synyp oqýshylary qashyqtan oqıtynyn jazdy. Oqytýdyń dástúrli formatyna ótý aýa raıynyń jaǵdaıyna qaraı retteledi.

Buǵan deıin 12-13 qańtar kúnderi Almatyda mektep oqýshylary men kolledj stýdentteri onlaın oqıtynyn jazǵanbyz.