Búgin birneshe óńirde mektep oqýshylary úıden oqıdy
07:44, 16 Qańtar 2023
ASTANA. QazAqparat – Aýa raıynyń buzylýyna baılanysty birneshe óńirde mektepter onlaın bilim berýge aýystyrylady, dep habarlaıdy QazAqparat.
Abaı oblysyndaSemeı qalasynda, Besqaraı aýdanynda 1-9 synyp oqýshylary qashyqtyqtan oqıdy. Aıagóz aýdanynyń 1-4 synyp oqýshylary da onlaın formatqa kóshiriledi. Óńirdiń qalǵan aýdandarynda sabaq shtattyq formatta ótedi.
Pavlodar oblysynyń Ekibastuz qalasynda barlyq mektepter qashyqtan bilim berýge aýystyryldy.
Buǵan deıin habarlaǵanymyzdaı, 16-17 qańtar kúnderi Mańǵystaý oblysynyń barlyq bilim berý uıymdary onlaın bilim berýge kóshiriledi. Aqtaý qalasyndaǵy oblystyq mamandandyrylǵan ınternat oqýshylary oflaın oqýyn jalǵastyrady.
16-17 qańtar kúni Jambyl oblysyndajalpy orta mektepterdiń mektepaldy daıarlyq jáne 1-4 synyp oqýshylary qashyqtan oqıdy.