Búgin Bas prokýratýrada Uly Otan soǵysy jáne prokýratýra organdarynyń ardagerlerine arnalǵan murajaı ashyldy
dep habarlaıdy QazAqparat.
Murajaıdyń ashylý saltanatyna Bas prokýror Qaırat Mámı qatysty. «Bul Uly Otan soǵysy jyldarynda erliktiń úlgisin kórsetken jáne prokýratýra salasynyń jumysyna eleýli úles qosqan azamattardyń júrip ótken jolyn beıneleıtin ǵımarat. Onda elimizdiń tarıhyna qatysty qundy derekter men mol maǵlumattar qory bar. Osynyń barlyǵy búgingi Uly Jeńistiń 65 jyldyǵyna oraılastyrylyp, uıymdastyrylyp otyrǵan shara», dedi Bas prokýror.
Murajaıda, Keńes Odaǵy tusyndaǵy prokýratýra organdarynyń qyzmetimen baılanysty qujattar men sol ýaqytta prokýratýra salasynda qyzmet etken belgili tulǵalardyń sýretteri, músinderi men olar jónindegi ómirderekter saqtalǵan. Sonymen qatar onda Qazaqstannyń táýelsizdik jyldarynda prokýratýrany basqarǵan jáne osy salanyń damýyna úles qosqan azamattar jóninde de kóptegen derekter bar. «Qoryta aıtqanda, murajaıdyń jádigerleri keshegi men búgingini úndestirip tur. Bul ekspozıtsııalarǵa biz «Ótkensiz búgin joq, búginsiz bolashaq joq» degen aıdar taǵyp otyrmyz», deıdi murajaıdy uıymdastyrýshylar.