Búgin Bakýde І Eýropalyq oıyndar ashylady
Jalpy, Bakýde 20 sporttyq jarys túrlerinen saıystar ótkiziledi: onyń 16-sy - olımpıadalyq sport oıyndary bolsa, qalǵan 4-ýi - olımpıadalyq emes sport túrleri. Eýropanyń túkpir-túkpirinen jınalǵan 6 myńnan astam sportshy 17 kún boıy óz eliniń namysyn qorǵaıtyn bolady.
Aıta keteıik, 2012 jylǵy jeltoqsanda Eýropalyq Olımpıada komıteti Bakýdy Eýropalyq oıyndardy ótkizýge laıyq dep tanyǵan bolatyn. Oıyndardyń ashylý saltanaty kóptegen memleketterdiń telearnalarynyń tikeleı efırinen kórsetiledi.
Osyǵan deıin habarlaǵanymyzdaı, QR Premer-Mınıstri Kárim Másimov basqarǵan Qazaqstan delegatsııasy «Baký-2015» birinshi Eýropalyq oıyndarynyń ashylý rásimine qatysý úshin Baký qalasyna barady. Delegatsııanyń quramynda Qazaqstannyń Mádenıet jáne sport mınıstri Arystanbek Muhamedıuly bolady.
Sondaı-aq bul aıtýly dodanyń ashylý saltanatyna qatysý úshin Halyqaralyq Olımpıada komıtetiniń prezıdenti Tomas Bah 11 maýsymda Ázerbaıjanǵa keldi.