Búgin Astanada teńge ilýden Azııa chempıonaty jáne asaý úıretýden respýblıkalyq týrnır ótedi

ASTANA. QazAqparat - Búgin, 30 tamyz kúni Astana qalasynda «Nur Otan» partııasynyń qoldaýymen QR Ulttyq sport túrleri qaýymdastyǵy Qazaqstan halqy Assambleıasynyń jyly aıasynda QR Konstıtýtsııasynyń 20 jyldyǵyna oraı teńge ilýden І ashyq Azııa chempıonaty jáne asaý úıretýden respýblıkalyq týrnır uıymdastyrady.

Aýqymdy sharaǵa Qytaı, Mońǵolııa, Ózbekstan, Tájikstan, Reseı, Qyrǵyzstan, Túrkııa, Vengrııa, Ázerbaıjan respýblıkalarynyń sportshylary qatysady, dep habarlaıdy nurotan.kz.

«Nur Otan» partııasy tek qana teńge ilý jáne myna asaý úıretý, «Altyn tulpardan» basqa, aıtysqa da óziniń úlesin qosyp, qoldaýyn kórsetip keledi. «Búrkitshiler», aýdaryspaqtan jarystar ótti, «Qazaqstan Barysynda» óziniń qoldaýyn kórsetip kele jatyr. Sondyqtan qoldaýlar partııa tarapynan qashanda óz jalǵasyn taba bermek», - dedi «Nur Otan» partııasy tóraǵasynyń birinshi orynbasarynyń keńesshisi Berik Ýálı.