Búgin astanada Artsport baǵdarlamasy aıasynda vaýcherler taratylady – jalǵan aqparat

NUR-SULTAN. QazAqparat – Búgin astanada Artsport baǵdarlamasy aıasynda vaýcherler úlestiriletini týraly WhatsApp arqyly tarap jatqan aqparat jalǵan. Bul týraly Mádenıet jáne sport mınıstrliginiń baspasóz qyzmeti málim etti, dep habarlaıdy QazAqparat.

«WhatsApp chattarynda búgin astanada saǵat 16:00-de Artsport baǵdarlamasy aıasynda vaýcherler úlestiriletini týraly aqparat tarap jatyr. Bul aqparattyń shyndyqqa janaspaıtynyn málimdeımiz. Sonymen qatar, Mádenıet jáne sport mınıstrligi vaýcherlerdi úlestirgen emes jáne úlestirmeıdi de. Bul jumys jergilikti deńgeıde júrgiziledi», - delingen vedomstvo málimdemesinde.