Búgin Astana men Almatyda aýa lastanady
05:00, 29 Qyrkúıek 2022
ASTANA. QazAqparat – Búgin Qazaqstannyń eki qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy QazAqparat «Qazgıdromet» RMK-na sileteme jasap.
«2022 jylǵy 29 qyrkúıekte Astana, Almaty qalalarynda qolaısyz meteorologııalyq jaǵdaılar kútiledi»,-delingen habarlamada.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.