Búgin Astana men 5 qalada aýa sapasy nasharlaıdy

ASTANA. QazAqparat – «Qazgıdromet» RMK 16 aqpanda Qazaqstan qalalarynda qalyptasatyn meteorologııalyq jaǵdaıǵa boljamyn jarııalady, dep habarlaıdy QazAqparat.

Sınoptıkter málimetinshe, búgin Qostanaı, Pavlodar, Qaraǵandy, Temirtaý, Almaty jáne Astana qalalarynda aýa sapasy nasharlaıdy. Ózge shaharlarda meteojaǵdaı norma sheginde bolady.

Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.