Búgin «Astana» horvatııalyq «Dınamomen» karymta oıyn ótkizedi

ASTANA. QazAqparat - Búgin fýtboldan UEFA Chempıondar lıgasy ekinshi irikteý satysynda «Astana» elordada «Dınamo Zagreb» (Horvatııa) komandasymen kezdesedi, dep habarlaıdy QazAqparat tilshisi.

Kezdesý 2 tamyz kúni elorda ýaqytymen 20:00-de bastalyp, «Qazsport» telearnasynan tikeleı efırde kórsetiledi.

Oıynǵa Nıderland elinen kelgen Dennıs Hıgler bas tóreshi bolady.

Oǵan otandastary Rogır Honıg men Roı de Nac kómekshilik jasaıdy. Qosalqy tóreshi de sol eldiń ókili Djoýı Koeı.

25 shildede ótken alǵashqy kezdesýde «Astana» atalǵan qarsylasynan 0:4 esebimen jeńilip qalǵan edi.

Al 2018 jyly Chempıondar lıgasy úshinshi irikteý satysynda «Dınamo Zagreb» komandasy «Astanany» (1:0, 2:0) qapy qaldyryp ketken edi.

Jeńimpaz ujym úshinshi irikteý satysynda Grekııanyń AEK komandasymen sheberlik baıqasady. Oıyn 9 jáne 15 tamyz kúnderi bolady.

Birinshi irikteý satysynda elordalyq klýb grýzııalyq «Dınamo Tbılısı» komandasyn (2:1, 0:0) orta jolda qaldyrdy.

Aıta ketsek, «Astana» 2015-2016 jylǵy kezeńde atalǵan týrnırdiń toptyq kezeńinde oıyn kórsetti.

Al, 2016, 2017, 2018 jyldarda Eýropa lıgasy toptyq kezeńinde synǵa tústi.