Búgin Ashhabadta jabyq keshendegi Azııa oıyndary ashylady
08:44, 17 Qyrkúıek 2017
ASTANA. QazAqparat - Búgin Túrikmenstannyń astanasy Ashhabad qalasynda jabyq keshendegi Azııa oıyndarynyń saltanatty ashylý rásimi ótedi, dep habarlaıdy QazAqparat tilshisi.
Atalǵan dodanyń resmı ashylý saltanaty 45,000 adamǵa arnalǵan ortalyq stadıonda ótedi. Oǵan QR Prezıdenti Nursultan Nazarbaev qatysady dep josparlanǵan bolatyn.
Jalpy, Ashhabad qalasynda jabyq keshendegi Azııa oıyndarynda Qazaqstan namysyn 16 sport túri boıynsha 181 sportshy qorǵaıdy.
Keshe, ıaǵnı 16-shy qyrkúıek kúni Túrikmenstannyń Ashhabad qalasynda ótetin jabyq keshendegi Azııa oıyndary aıasynda Qazaqstannyń jalaýy kóterildi. Tý kóterý sharasyna Qazaqstan Respýblıkasy Sport komıtetiniń basshysy Elsııar Qanaǵatov bastaǵan quramamyz qatysty. Túrkmenstan qarýly kúshteriniń qurmetti kúzetshileri týymyzdy kóterdi. Jarys uıymdastyrýshylary estelik syılyqtar tabys etip, saltanatty túrde elimizdiń ánurany shyrqaldy.