Búgin Almatynyń Áýezov aýdanynda sýyq sý bolmaıdy

ALMATY. QazAqparat – Áýezov aýdanyna qarasty birqatar turǵyn úıler men ózge de ǵımarattar bir kúnge sýyq sýdan ajyratylady, dep habarlaıdy QazAqparat tilshisi.

Bul týraly «Almaty sý» memlekettik kommýnaldyq kásiporny málim etti.

«15 qyrkúıek kúni tańǵy saǵat 8:00-den túngi 00:00-ge deıin «Jetisý-1», «Jetisý-2», «Jetisý-3», «Jetisý-4» yqsham aýdandary, sondaı-aq, «Dostyq» yqsham aýdanyndaǵy Ulaǵat kóshesinde ornalasqan turǵyn úıler men ǵımarattarǵa sýyq sý berý toqtatylady»,- dep habarlaıdy «Almaty sý» kásiporny.

Sondaı-aq sý qysymynyń tómendeýi «Aqsaı-4», «Aqsaı-5» yqshamaýdandarynyń jelilerinde de baıqalýy yqtımal.

Bul shekteýler tehnologııalyq jabdyqty aýystyrý úshin qajet.

«Almaty sý» MKK ýaqytsha qolaısyzdyqtarǵa túsinistikpen qaraýdy ótinedi.