Búgin Almatyda «Este saqtaý vahtasynyń» ashylý saltanaty ótti
Endi budan bylaı Almaty qalasy mektepteriniń úzdik oqýshylary Máńgilik alaý janynda qurmetti qaraýylda turatyn bolady.
«Biz negizi bul sharany ótken 28 sáýir kúni bastaǵanbyz. Bul Almaly aýdanyndaǵy № 54-shi mektep-gımnazııasynyń bastamasymen qolǵa alynǵan edi. Búgin, sonyń resmı túrde saltanatty ashylymy boldy. Bul sharany qala aýdandarynyń mektepteri kezektesip atqaratyn bolady. Aldaǵy 10 mamyrǵa deıin Almaly aýdanynyń mektepteri qurmetti qaraýylda turady. Bul jerde kún saıyn, demalys kúnderi de keste boıynsha úsh mekteptiń 9,10,11 synyp oqýshylary tańǵy saǵat 10:00-den 15:00-ge deıin Máńgilik alaý janynda vahtada turady. ıAǵnı, bul sharaǵa úsh mektepten 12 oqýshydan turatyn úsh top qatysady. Tórt oqýshy vahtada 30 mınýt turǵan soń, olardy basqa 4 oqýshy almastyrady. Al 15:00-den bastap keshki saǵat 18:00-ge deıin vahtada Baýyrjan Momyshuly atyndaǵy respýblıkalyq áskerı mektep-ınternattyń oqýshylary turatyn bolady» - dedi óz sózinde Almaty qalasynyń Almaly aýdandyq bilim bóliminiń bastyǵy Gúlbaný Ámirtaeva.
Esterińizge sala keteıik, № 54-shi mektep-gımnazııasy «Este saqtaý vahtasyn» alǵash ret 2006 jyly kóterip, sol jyly da Máńgilik alaý janynda qurmetti qaraýyl uıymdastyrǵan bolatyn. Al bıylǵy shara Uly Jeńistiń 70 jyldyǵy qurmetine oraı uıymdastyrylyp otyr. Jazǵy kanıkýl barysynda vahtany Almaty qalasyndaǵy Aýǵan soǵysy ardagerleriniń áskerı-patrıottyq úıirmesiniń músheleri atqarady. Al birinshi qyrkúıekten bastap, vahtany mektep oqýshylary óz qoldaryna alady. «Este saqtaý vahtasy» 2015 jyldyń 9 mamyryna deıin jalǵasady dep josparlanýda.