Búgin Almaty men Aqtóbede aýa sapasy nasharlaıdy
06:45, 02 Tamyz 2022
NUR-SULTAN. QazAqparat – 2 tamyz kúni Qazaqstannyń kóptegen qalalarynda qolaıly meteorologııalyq jaǵdaı saqtalady, dep habarlaıdy QazAqparat.
«Qazgıdromet» RMK málimetinshe, seısenbide elimizdegi qalalardyń basym kópshiliginde atmosferalyq aýa sapasy birqalypty bolady.
Tek Almaty jáne Aqtóbe qalalarynda ǵana qolaısyz meteorologııalyq jaǵdaı kórinis tabýy múmkin.
Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.