Búgin Aqtaýda aýa sapasy nasharlaıdy
06:24, 31 Qazan 2022
ASTANA. QazAqparat – 31 qazanda Qazaqstannyń kóptegen qalalarynda qolaıly meteorologııalyq jaǵdaı saqtalady, dep habarlaıdy QazAqparat.
«Qazgıdromet» RMK málimetinshe, dúısenbi kúni qolaısyz meteorologııalyq jaǵdaı Aqtaý qalasynda boljanady. Ózge shaharlarda aýa sapasy norma sheginde bolady.
Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.