Búgin Aqmola oblysynda qatty jańbyr jaýady

ASTANA. QazAqparat - Qazgıdromet el aýmaǵynda 21 shildede bolatyn qaýipti meteorologııalyq qubylystarǵa boljam jasady, dep habarlaıdy QazAqparat.

Atmosferalyq frontaldy bólimderdiń ótýine baılanysty elimizdiń basym bóliginde turaqsyz aýa raıy saqatalady, jańbyr jaýady, kúndiz Aqmola oblysynda – qatty jańbyr, naızaǵaı, burshaq, daýyl kútiledi. Tek respýblıkamyzdyń batys jáne ońtústik-batys bólikterinde antıtsıklonnyń áserinen aýa raıy - jaýyn-shashynsyz.

«Kúndiz Atyraý, Jambyl oblystarynda, Mańǵystaý, Qaragańdy, Shyǵys Qazaqstan, Ulytaý, Abaı oblystarynyń ońtústiginde 35-38°S qatty ystyq kútiledi.

Túrkistan, Jambyl, Shyǵys Qazaqstan, Qaraǵańdy, Ulytaý, Jetisý, Abaı oblystarynyń basym bóliginde, Aqmola oblysynyń ońtústiginde, shyǵysynda, Qyzylorda oblysynyń ortalyǵynda, shyǵysynda, Pavlodar oblysynyń ońtústiginde, Aqtóbe oblysynyń ońtústik-shyǵysynda, Mańǵystaý oblysynyń soltústik-batysynda, ońtústiginde, ortalyǵynda, Atyraý oblysynyń batysynda tótenshe órt qaýipi saqtalady», - dep jazdy vedomstvodan.

Almaty oblysynyń, Soltústik Qazaqstan oblysynyń batysynda, ońtústiginde, Qostanaı oblysynyń ońtústiginde joǵary órt qaýipi kútiledi.