Búgin 9 qalada aýa sapasy nasharlaıdy

ASTANA. QazAqparat – Senbi kúni 9 qalada aýa sapasy nasharlaıdy. QazAqparat bul týraly «Qazgıdromet» RMK-ǵa silteme jasap habarlaıdy.

5 qarashada Almaty, Aqtóbe, Qaraǵandy, Balqash, Jezqazǵan, Temirtaý, Óskemen (2-dárejeli), Semeı (2-dárejeli), Rıdder (2-dárejeli) qalalarynda qolaısyz meteorologııalyq jaǵdaılar kútiledi. Ózge qalalarda aýa sapasy norma sheginde bolady.

Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, baıaý jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.