Búgin 3 mln 700 myńnan astam oqýshy oqý jylyn aıaqtady

ASTANA. QazAqparat – Qazaqstanda 172 myń túlek 11 synyp bitirdi, onyń 6 myń 800-i «Altyn belgi» úmitkerleri. Al 9-shy synypty 288 myńnan astam túlek támamadady, dep habarlaıdy QazAqparat QR Oqý-aǵartý mınıstrliginiń Telegram kanalyna silteme jasap.

Vedomstvo taratqan málimetterge qaraǵanda, 1-10 synyptar aralyǵyndaǵy balalardyń 85,3% jazǵy demalys jáne saýyqtyrýmen qamtylatyn bolady. Bul – el boıynsha 2 mln 800 myń bala. Onyń ishinde 500 myń jekelegen sanattaǵy otbasy balalary bar.

Balalar demalysyn uıymdastyrý úshin 218 qala syrtyndaǵy jáne 10 200 mektep janyndaǵy, profıldik, shatyrly lagerler jumys isteıtin bolady.

Sonymen qatar «Etnoaýyl», «Jazdyq joldama» jobalary iske asyrylady. Jetekshi ýnıversıtetter janyndaǵy jazǵy jáne olımpıadalyq rezerv mektepteri jumys isteıdi.

Jazǵy demalysta 1 mln 400 myń bala úshin qosymsha bilim berý mekemelerindegi sektsııalar men úıirmeler ashylady. Ǵylymı-tehnıkalyq, mýzykalyq, kórkemdik, ekologııalyq, týrıstik jáne basqa da baǵyttardaǵy 11 myń úıirme balalardy qabyldaıdy.

Sondaı-aq balalar «Jasyl el» baǵdarlamasy sheńberinde kógaldandyrýmen shuǵyldanady, elimizdiń kıeli jerlerine saıahattap, sporttyq jattyqtyrý jıyndarynda shynyǵady, tildik kýrstarǵa qatysa alady.