Býenos-Aıres-Frankfýrt reısiniń 11 jolaýshysy týrbýlenttilik saldarynan jaraqat aldy

<p>ASTANA.KAZINFORM &ndash; Aldyn ala boljam boıynsha Boeing 747-8 tıpti ushaǵy kenetten áýe shuńqyryna túsip ketken. Lufthansa áýe kompanııasynyń bes jolaýshysy men alty ekıpaj múshesi jeńil jaraqat alǵan.&nbsp; Bortta barlyǵy 329 jolaýshy men 19 ekıpaj múshesi boldy, dep jazady <a href="https://t.me/BILD_Russian/19839" target="_blank" rel="noopener">BILD.</a>&nbsp;</p>

Zardap shekkenderge Frankfýrtke qonǵannan keıin dereý medıtsınalyq kómek kórsetildi. Ushqysh qonar aldynda medıtsınalyq kómek suraǵan.

Lufthansa týrbýlenttilikke qaramastan, ushaqtyń ózine eshqandaı qaýip tónbegenin málimdedi.

– Ushý qaýipsizdigine eshqandaı qaýip tóngen joq, - dep atap ótti kompanııa ókili.

Áýe kompanııasy keltirilgen qolaısyzdyq úshin keshirim surady. 

Kompanııanyń málimetinshe, ushaq tropıkalyq konvergentsııa aımaǵy arqyly ushyp kelgen. Bul – osy aımaqta ushyp ótý kerek ekvatorlyq tómen qysymdy aımaq.

– Atalǵan aımaqta týrbýlenttilik týdyrýy múmkin aýa aǵyndary bar, - dep túsindirdi áýe kompanııasynyń ókili.

Buǵan deıin amerıkalyq Spirit Airlines áýe kompanııasynyń jolaýshylar ushaǵyna Gaıtıge qonar aldynda oq jaýdyrylǵanyn habarlaǵan edik.