Býdapeshtte Qazaqstan Táýelsizdiginiń 27 jyldyǵyna oraı qabyldaý ótti
Majarstandaǵy Qazaqstan Elshisi Nurbah Rústemov Táýelsizdik alǵaly 27 jyl ishinde Memleket basshysy N.Nazarbaevtyń basshylyǵymen Qazaqstan joǵary halyqaralyq bedelge ıe bolyp, Ortalyq Azııa óńirinde jáne jalpy álemde óziniń geosaıası rolin nyǵaıtqanyn atap ótti.
Qazaqstandyq dıplomat kelgen qonaqtarǵa eldegi aǵymdaǵy áleýmettik-ekonomıkalyq ahýal, Qazaqstannyń odan ári damýyna baǵyttalǵan baǵdarlamalyq qujattardyń negizgi erejeleri, atap aıtqanda, «Qazaqstan-2050», «Bolashaqqa baǵdar: rýhanı jańǵyrý», «Tórtinshi ónerkásiptik revolıýtsııa jaǵdaıynda damýdyń jańa múmkindikteri» týraly egjeı-tegjeıli baıandap berdi. Odan basqa, Elshi Memleket basshysynyń mátini majar tiline aýdarylǵan «Qazaqstandyqtardyń ál-aýqatynyń ósýi: tabys pen ómir sapasyn arttyrý» Joldaýyna aýdıtorııa nazaryn aýdardy.
Іs-shara aıasynda T.Júrgenov atyndaǵy Qazaq ulttyq óner akademııasynyń kontserti uıymdastyryldy. 17 kontserttik nómirden, onyń ishinde qazaqtyń uly kompozıtorlary Qurmanǵazynyń, Dáýletkereıdiń jáne N.Tilendıevtiń kúılerinen, Uly Dalanyń halyq ánderinen, ulttyq aspaptardyń súıemeldeýimen kostıýmdi sıýjettik ulttyq bılerden turatyn baı repertýar qonaqtardyń kóńilinen shyqty. Akademııanyń «Alataý» folklorlyq ansambli qazaq folklory men kompozıtor Iogannes Bramstyń klassıkalyq shyǵarmalaryn oryndady.
Dombyra, qobyz, shaqqobyz, daýylpaz, sherter, saz-syrnaı jáne qonyraý-asataıaq sııaqty ulttyq aspaptarymyz majar qaýymyn tánti etti. Akademııanyń talantty mýzykanttary, ánshileri men bıshileri eýropalyq qonaqtarǵa Uly Dalanyń ónerin kezekti ret pash etip, joǵary baǵasyn aldy.
Іs-shara aıasynda Qazaqstan týraly aqparattyq-ımıdjdik materıaldar taratyldy.
Saltanatty rásimge Majarstannyń Memlekettik jınalysynyń depýtattary, memlekettik organdardyń, óńirleriniń basshylary, mádenıet jáne ǵylym qaıratkerleri, BAQ, isker toptar, sondaı-aq dıplomatııalyq korpýs ókilderi men qazaq dıasporasy jáne stýdent jastar qatysty.