Býdapeshtte «EKSPO-2017» kórmesine arnalǵan forým ótti

ASTANA. QazAqparat - 2017 jylǵy 23 mamyrda Býdapeshtte «Qazaqstan - XXI ǵasyrdaǵy Azııanyń jańa ortalyǵy» ǵylymı-praktıkalyq konferentsııasy men «Astana EKSPO-2017» forýmy bolyp ótti, dep habarlaıdy QazAqparat Syrtqy ister mınıstrliginiń baspasóz qyzmetine silteme jasap.

Qazaqstannyń Majarstandaǵy Elshisi Nurbah Rústemov óz sózinde majarlyq bıznesmenderge ınvestıtsııalyq ahýaldy júzege asyrý úshin qolaıly jaǵdaı jasaý boıynsha Qazaqstanda júrgizilip jatqan keshendi jumys týraly  egjeı-tegjeıli aıtyp berdi. 

Odan basqa, majar aýdıtorııasy  «Strategııa-2050», «Nurly jol» UEJ, «100 naqty qadam» Ult jospary, Eýrazııalyq ekonomıkalyq odaqtyń basymdyqtary, Qazaqstannyń úshinshi jańǵyrýynyń bes negizgi basymdyǵy jáne Memleket basshysynyń qazaqstandyq qoǵamnyń oı-sanasyn jańǵyrtý boıynsha qoıǵan mindetteri týraly  habardar boldy. 

Konferentsııada Majarstan Ulttyq ekonomıka mınıstrliginiń, Ulttyq saýda úıiniń, «Eksport-ımport banki» JAQ-nyń jáne Jıgmond Kıraı atyndaǵy ýnıversıtet basshylary sóz sóılep, Qazaqstannyń «Shyǵysqa qaraı ashylý» syrtqy ekonomıkalyq strategııasyndaǵy mańyzdy rólin, Qazaqstan-Majar saýda-ekonomıkalyq qarym-qatynastar keleshegin, majar kásiporyndary úshin eksporttaý múmkindigin, sondaı-aq «Eýrazııalyq sýperkontınentte» Qazaqstannyń geosaıası mańyzdylyǵyn atap ótti. 

Sonymen qatar majarlyq ǵalymdar Qazaqstannyń qalyptasýy men damýynda Prezıdent Nursultan Nazarbaevtyń rólin joǵary baǵalady.   
   

Atalǵan konferentsııa aıasynda aldaǵy «EKSPO-2017» halyqaralyq mamandandyrylǵan kórmesine arnalǵan forým ótkizildi.  Elshilik EKSPO kórmesi boıynsha vırtýaldy týr ótkizdi, al majarlyq merdiger kompanııa majar ulttyq pavılonyn tanystyrdy.    

Konferentsııa jumysynda 70 astam majarlyq kompanııalar qatysty. Jalpy alǵanda, jergilikti bıznes qoǵamdastyq  atalǵan konferentsııaǵa úlken qyzyǵýshylyq tanytty.