Budan bylaı shetelge kóship ketken azamattarǵa MÁMS aıasynda dári-dármek rásimdeý múmkin emes

<p>ASTANA. KAZINFORM &ndash; Joǵary aýdıtorlyq palatasy Áleýmettik medıtsınalyq saqtandyrý qoryna júrgizilgen memlekettik aýdıt nátıjelerin jarııalady.</p>

QR Densaýlyq saqtaý mınıstrligi shetelge turaqty turýǵa ketken azamattarǵa MÁMS boıynsha dári-dármek resimdeý múmkindigin boldyrmaý úshin aqparattyq júıesin jetildirdi. Bul jumys palatanyń nusqamasy boıynsha júrgizilgen.

«Mundaı jaǵdaılar bıyl jazda Áleýmettik medıtsınalyq saqtandyrý qory men onyń óńirlik fılıaldarynyń tıimdiligine memlekettik aýdıt júrgizý barysynda anyqtaldy. Osyǵan baılanysty Joǵary aýdıtorlyq palata mınıstrlikke shuǵyl sharalar qabyldaýdy tapsyrdy.

Búgingi kúni «Bekitilgen halyq tirkelimi» aqparattyq júıesi shetelge turaqty turýǵa ketken azamattardy medıtsınalyq mekemelerden esepten shyǵarý úshin «Jeke tulǵalar» memlekettik derekqorynan tikeleı málimet alady. Densaýlyq saqtaý mınıstrligi qabyldaǵan sharalardyń nátıjesinde bıyl 24 qazannan bastap osyndaı mártebesi bar patsıentterge retsept berý toqtatyldy», — dep túsindirdi vedomstvodan.

Osylaısha, Joǵary aýdıtorlyq palata nusqamasynyń tarmaqtarynyń biri oryndaldy. Qalǵan tapsyrmalardyń iske asyrylýy baqylaýda qalady.