Bitimgerlik mıssııa: Áskerıler jat elde jaraqat alsa qansha tólemaqy alady

<p>ASTANA. KAZINFORM &ndash; Qorǵanys mınıstrligi Kazinform saýalyna joldaǵan jaýabynda áskerıler Qazaqstannyń tuńǵysh derbes bitimgerlik kontıngenti sapynda júrip jaraqat alsa qansha tólemaqy alatynyn túsindirdi.</p>

«Qazaqstandyq áskerılerdiń jaraqat alýy nemese opat bolýy jaǵdaıynda otbasy múshelerine tólenetin qarajat Qazaqstan Respýblıkasynyń sáıkesinshe zańnamasyna bekitilgen. Qazirgi tańda eń aýyr jaǵdaı, ıaǵnı, áskerı qyzmetker opat bolǵan jaǵdaıda tólenetin qarajat 60 aılyq jalaqy mólsherin quraıdy. Sondaı-aq, BUU-nyń basshylyqqa alatyn qujattarynda osyndaı jaǵdaı oryn alǵan jaǵdaıda tólenetin soma 77 (jetpis jeti) myń AQSh dollaryn quraıdy», - dep jazylǵan jaýapta.

Al jaraqat alǵany úshi ótemaqy densaýlyqqa kelgen zaqymnyń deńgeıine baılanysty qubylady.

«Bul jaǵdaıda alynǵan jaraqattyń kúrdeligine jáne múgedektiktiń deńgeıine qaraı Qazaqstan Respýblıkasynyń zańnamasynda áskerı qyzmetshiniń jarty aılyq jalaqydan alpys aılyq jalaqyǵa deıin tólenedi. Bul qarajat zańnamaǵa sáıkes bıýdjetten tólenedi. Sondaı-aq, BUU-nyń tólemderi de qarastyrylǵan», - dep jazady mınıstrliktegiler.

Buǵan deıin bitimgerlik mıssııamen Taıaý Shyǵystyń Golan jotasyna baratyn áskerıler eki jerden aılyq alatynyn jazǵan edik.

Eske salaıyq, 19 qańtar kúni Parlament qazaqstandyq áskerılerdiń BUU mıssııalaryna qatysý týraly Joldaýyn maquldady. 

Atalǵan usynys boıynsha, Qazaqstannyń tuńǵysh derbes bitimgerlik kontıngenti myna nysandarǵa:

• Birinshi — Golan jotasynda bóliný protsesterin baqylaý kúshterine;
• Ekinshi — bitimge kelý sharttarynyń oryndalýyn baıqaý organyna;
• Úshinshi — Ońtústik Sýdan Respýblıkasyndaǵy mıssııaǵa;
• Tórtinshi — áýedegi qaýipsizdikti qamtamasyz etý ýaqytsha kúshterine qatysý úshin jalpy sany 430 adamnan aspaıtyn kontıngentti jiberý kózdelip otyr.