BTA bankiniń eks-basshysymen birge qarjy jymqyryp, lańkestik akti uıymdastyrmaq bolǵan azamat Ispanııada ustaldy
Ony elge qaıtarý jmystary jalǵasýda. Bul týraly búgin Májiliste «Qazaqstan Respýblıkasy men Ispanııa Koroldigini arasyndaǵy sottalǵan adamdardy berý týraly shartty ratıfıkatsııalaý týraly» zań jobasy boıynsha baıandaǵan QR Bas prokýrorynyń orynbasary Iogan Merkel málim etti.
Prokýratýra ókiliniń aıtýynsha, Quqyqtyq statıstıka komıtetiniń málimeti boıynsha, búgingi tańda Qazaqstannyń 2465 azamaty izdeýde júr. Sonyń ishinde, memleketaralyq izdeýde júrgender sany - 2465, halyqaralyq izdeýde júrgender - 1180 adamdy quraıdy.
«Qazirgi tańda Interpol izdeý salynǵan 50 adamdy tapty. Onyń ishinde BTA bankiniń burynǵy basshylyǵymen birlesip qarjy jymqyrǵan, sonymen qatar Almatydaǵy oıyn saýyq ornynda terrorıstik akti uıymdastarǵan Pavlov esimdi Qazaqstan azamaty Ispanııada qolǵa túsip otyr. Qazir ony elge qaıtarý máselesi qaralýda», - dedi I. Merkel.