BTA banki Kazkom aldyndaǵy boryshyn qalaı ótedi - Ulttyq bank
Onyń aıtýynsha, bul protses 3 kezeńge bólindi.
«Birinshiden, problemalyq nesıeler qory QR Úkimeti tarapynan kapıtalızatsııalandy. Óıtkeni qor qazir Ulttyq banktiń enshiles kompanııasy emes. Alǵashynda qaryz kólemine sáıkes aqsha salyndy. Osylaısha BTA-men jumys jasamaı turǵanda qor eki jolmen, ıaǵnı memlekettik bıýdjet pen problemalyq nesıe qoryndaǵy qarjy esebinen tolyqtyryldy.
Budan ári qaraı negizdemelik kelisim aıasynda 2,4 trln teńgeden artyq emes soma Kazkom aldyndaǵy BTA mindetterin oryndaýǵa belgilendi. Buǵan BTA bankiniń aktıvteri men BTA menshikti portfeli kiredi. Sondaı-aq onda ınvestııalaýdy talap etetin problemalyq jer ýchaskeleri bar.
Aktıvter satylyp alynǵan soń BTA 2,4 trln teńge aldy. Sol ýaqytta teńge baǵamy mámile bolǵan kezdegideı bolǵan. BTA birden Kazkom aldyndaǵy qaryzyn tóledi. Kazkom mindettemelerdi ótelgen dep sanalady», - dedi tóraǵa orynbasary.
Onyń aıtýynsha, bul qarjy memlekettik qundy qaǵazdardy satyp alýǵa jumsaldy.
«Bizdiń 625 mlrd teńge kólemindegi qaryzdarymyz óteldi. Bul soma mámile jasalar kezde qordalanyp qalǵan bolatyn. Memlekettiń qalǵan aqshasy satylyp alynǵan aktıvterdi - jer telimderi, jyljymaıtyn múlikti satý arqyly qaıtarylady. Kazkomda qalǵan qarjy táýekelderdi jabýǵa arnalǵan qural bolyp qalmaq. Aqshanyń barlyǵy bankti damytý úshin salynyp jatyr», - dedi Oleg Smolıakov.
Aıta ketý kerek, Ulttyq bank Qazaqstandaǵy bank sektorynyń turaqtylyǵyn joǵarlatý baǵyttalǵan baǵdarlamany iske qosqany týraly málimdegen bolatyn.
Ulttyq banktiń enshiles kompanııalary arqyly ekinshi deńgeıli bankterge aqyly túrde belgili bir merzimge qarjy (memleket qarjysy) beretin bolady.
Atalǵan baǵdarlamaǵa qatysý úshin banktiń 45 mlrd teńge kóleminde menshikti kapıtaly bolýy, aktsıonerlerdiń ortaq kelisimi bolýy shart.
Sondaı-aq Ulttyq bank sheteldik bankterdiń enshiles bankteriniń turaqtylyǵyn arttyrmaq.
Osy baǵdarlamanyń nátıjesinde turaqtylyqty qamtamasyz etý úshin ekonomıkany bank sektoryndaǵy kapıtaldandyrýdy ulǵaıtý esebinen qarjylyq turaqtylyqty qamtamasyz etetin jylyna 300 mlrd teńgeden kem emes somada nesıelendirý kózdelgen.