Bishkektegi janjal: Qazaqstandaǵy sheteldik stýdentter qalaı qorǵalyp jatyr

<p>ASTANA. KAZINFORM &ndash; QR Ǵylym jáne joǵary bilim mınıstri Saıasat Nurbek Qyrǵyzstandaǵy sheteldik stýdentter men jergilikti turǵyndar arasyndaǵy janjaldan keıin Qazaqstanda qandaı sharalar qabyldanǵanyn aıtty.</p>

«Jalpy, Pákistan men Úndistannan kelgen 12 myńǵa jýyq sheteldik stýdent bar. Shetel azamattary bilim alyp jatqan ýnıversıtetterdiń rektorlarymen jınalys ótkizdik, ıaǵnı tek Pákistan men Úndistannan kelgen stýdentter oqıtyn ýnıversıtettermen shektelip qalmadyq. Stýdentter turatyn oryndarda táýlik boıy kezekshilik belgilendi. Atap aıtqanda, negizinen Úndistan men Pákistan azamattary medıtsınalyq jáne ınjenerlik mamandyqtarda bilim alyp jatyr», - dedi S. Nurbek Úkimet otyrysynan keıin ótken baspasóz máslıhatynda.

Mınıstr atalǵan elderden kelgen sheteldik stýdentter medıtsınalyq akademııalarda, sondaı-aq Astana halyqaralyq ýnıversıtetinde, Ál-Farabı atyndaǵy Qazaq ulttyq ýnıversıtetinde, Kókshetaý ýnıversıtetinde oqyp jatqanyn aıtty. Qazir barlyq jerde kezekshilik qoıylǵan.

«Endi tek osy stýdenttermen ǵana emes, bizdiń stýdenttermen de aldyn alý is-sharalaryn atqaramyz», - dedi Saıasat Nurbek.

Eske salsaq, 18 mamyrda Bishkekte sheteldikter qatysqan jappaı tóbeles boldy. Ol 13 mamyrda jataqhana qonaqtary arasyndaǵy janjaldan bastalǵan. 

Bul turǵyda Qyrǵyzstan prezıdenti Bishkektegi oqıǵa jóninde úndeý jasady.