Bishkektegi Qazaqstan-Qyrǵyzstan bıznes-forýmynda $8,2 mln kommertsııalyq kelisimge qol qoıyldy

<p>ASTANA. KAZINFORM &mdash; 1-3 jeltoqsan aralyǵynda Bishkek qalasynda Qazaqstan Respýblıkasynyń Saýda jáne ıntegratsııa mınıstrligi, &laquo;QazTrade&raquo; AQ Qyrǵyz Respýblıkasynyń Saýda-ónerkásip palatasymen birlesip uıymdastyrǵan&nbsp;qazaqstandyq eksporttaýshylardyń saýda-ekonomıkalyq mıssııasy<strong data-entity-type="MessageEntityBold"> </strong>ótti. Bul týraly QR Úkimetiniń baspasóz qyzmeti málim etti.&nbsp;</p>

Mıssııa aıasynda túrli salalardy qamtıtyn 30 qazaqstandyq kompanııa qyrǵyz áriptesterimen V2V formatynda kelissóz júrgizdi.

2 jeltoqsanda Bishkekte Qazaqstan–Qyrǵyzstan Úkimetaralyq keńesi qarsańynda ekijaqty yntymaqtastyqtyń keleshegin talqylaý úshin mańyzdy tuǵyrnamaǵa aınalǵan Qazaqstan–Qyrǵyzstan bıznes-forýmy ótti.

Foto: QR Úkimeti

Forým jumysyna Qazaqstan men Qyrǵyzstannyń 80 kompanııasynyń ókilderi qatysty. Forým baǵdarlamasyna B2B kezdesýleri, sondaı-aq kelisimderge qol qoıý rásimi kirdi. SEM men forým qorytyndysy boıynsha jalpy somasy $8,2 mln-nan astam 7 kommertsııalyq kelisimge qol qoıyldy, bul eki el arasyndaǵy ekonomıkalyq baılanystardy nyǵaıtý úshin mańyzdy qadam boldy.

Qazaqstandyq delegatsııany Qazaqstan Respýblıkasynyń saýda jáne ıntegratsııa vıtse-mınıstri Qaırat Tórebaev basqardy, sondaı-aq is-sharaǵa bıznes jáne memlekettik qurylymdardyń ókilderi qatysty.