Bishkekte ustalǵan 11 jýrnalıst eki aıǵa qamaldy

<p>BІShKEK. KAZINFORM &mdash; Qyrǵyzstanda kesheden beri jýrnalısterdiń úıi men jumys ornyn tintip, ózderin ustap jatyr. Ustalǵan &laquo;Temirov Live&raquo;, &laquo;Aıt Aıt dese&raquo;, &laquo;PolıtKlınıka&raquo; jáne &laquo;Archa Medıa&raquo; qyzmetkerlerine búgin sot bultartpaý sharasyn sanktsııalady, dep habarlaıdy <a href="https://24.kg/proisshestvija/284443_massovyie_arestyi_jurnalistov_vseh_11predstaviteley_smi_vodvorili_vsizo/" target="_blank" rel="noopener">24.kg</a>.&nbsp;</p>

Birinshi Maı aýdandyq sotynyń tergeý sýdıasy sheshim shyǵaryp, 11 BAQ ókilin eki aıǵa qamady. Olar el astanasyndaǵy № 1 tergeý ızolıatorynda bolady. 

Aıta keteıik, eki kúnde Mahabat Tájibekqyzy, Sapar Akýnbekov, Azamat Ishenbekov, Saıpıdın Sultanalıev, Aqtilek Qaparov, Tynystan Asypbekov, Maqsat Tájibekuly, Joodar Buzymov, Jumabek Turdalıev, Aıke Beıshekeeva jáne Aqyl Orozbekov sekildi jýrnalıster ustaldy. 

Bári — Temirov Live kompanııasynyń burynǵy nemese qazirgi qyzmetkerleri. 

Esterińizge sala keteıik, 16 qańtarda Temirov Live keńsesine tintý júrgizilip, redaktsııanyń qural-jabdyqtary tárkilengen edi.

Polıtseıler basylymnyń qazirgi jáne burynǵy 11 qyzmetkerin ustady.

Іshki ister mınıstrligi ótken jyly 30 jeltoqsanda Temirov Live jáne «Aıt Aıt Deseniń» áleýmettik jelidegi paraqshalarynyń mazmunyna júrgizilgen «sot-lıngvıstıkalyq saraptama» qorytyndysy boıynsha eldiń Qylmys kodeksiniń 278-baby (jappaı tártipsizdikke shaqyrý) boıynsha is qozǵady.  

Mahabat Tájibekqyzy men Azamat Ishenbekovke Qylmystyq kodekstiń 41-baby 2-bóligi jáne 278-baby 3-bóligi boıynsha aıyp taǵyldy.

Bul bap jappaı tártipsizdik uıymdastyrýǵa qatysy bar kúdiktilerge qoldanylady.