Bishkekte tóbelestiń arty jappaı tártipsizdikke ulasty

<p>BІShKEK. KAZINFORM - Bishkekte 13 mamyrda hostel qonaqtary arasyndaǵy tóbelesten bastalǵan shıelenisti jaǵdaıdyń sońy jappaı tártipsizdikke ákeldi, dep habarlaıdy <a href="https://t.me/news24kg/25964" target="_blank" rel="noopener">24.kg.</a></p>

Sverdlov aýdandyq ishki ister basqarmasynyń málimetinshe, Býdennyı kóshesinde ornalasqan kóbinde sheteldikter turatyn hostel mańynda jappaı tóbeles bolǵan. Oǵan qatysqandar arasynda úsh sheteldik bar.

Sheteldikter jergilikti turǵyndardy uryp-soqqan. 

Olarǵa Qyrǵyz Respýblıkasy Qylmystyq kodeksiniń 280-baby 2-bóligi 1-tarmaǵy boıynsha qylmystyq is qozǵaldy. Kúdiktiler qazir Bishkek polıtsııasynyń ızolıatorynda qamaýda otyr.  

Foto: vıdeodan alynǵan kadr

Degenmen 17 mamyr keshke qaraı hosteldiń janyna álgi sheteldikterden «kek alyp, sazaıyn berýge» keı málimet boıynsha 300-ge jýyq jas jınalǵan. 

Tez arada álgi úsh sheteldik vıdeo arqyly qyrǵyz halqynan keshirim surady. 

Qazir sý atqyshy bar ishki áskerler 7 sáýir-Shý kósheleriniń qıylysynda tur. Olar 7 sáýir kóshesin soltústik baǵytta qorshaýǵa alǵan. 

Olardyń ońtústik tusyna sol saǵattyń ózinde 1000-ǵa jýyq adam jınaldy.

Polıtsııa tosqaýyl qoıyp, tártipsizdiktiń aldyn alyp jatyr.

Qorshaýdy buzýǵa umtylǵandardy ustaýda. Qazirge deıin 10 shaqty adamdy ustap áketkenin habarlady 24.kg.