Bishkekte krıptovalıýta aıyrbastaıtyndar esirtkini Telegram arqyly satqan

<p>ASTANA. KAZINFORM &mdash; Bishkekte Telegram messendjeri arqyly sıntetıkalyq esirtki satý maqsatynda krıptovalıýta aıyrbastaý qyzmetin kórsetken bir top adam ustaldy. Bul týraly Qyrǵyz Respýblıkasynyń Ulttyq qaýipsizdik komıteti habar taratty.&nbsp;</p>

Vedomstvonyń málimetinshe, krıptovalıýta aıyrbastaýshylar toby ustalyp, olardan bank kartalary, uıaly telefondar men SIM kartalary, asa iri mólsherdegi mefedron esirtkisi tárkilendi. 

Esirtki tasymalymen aınalysyp, krıpto almastyrǵyshtar arqyly deldaldyq qyzmet kórsetken Qyrǵyzstannyń bes azamaty ustaldy. Olar Qyrǵyz Respýblıkasy Ulttyq qaýipsizdik memlekettik komıtetiniń ýaqytsha ustaý ızolıatoryna qamaldy. 

Elde azamattarǵa esirtki zattaryn taratatyn tulǵalardyń, sondaı-aq osyǵan yqpal etetin basqa da tulǵalardyń qyzmetin anyqtaý jáne jolyn kesýge baǵyttalǵan jedel is-sharalar jalǵasyp jatyr.