Bishkekte Qazaqstandaǵy qańtar oqıǵasy týraly fılm kórsetildi

<p>BІShKEK. KAZINFORM &ndash; Bishkektegi Abaı atyndaǵy qyrǵyz-qazaq mádenı ortalyǵynda &laquo;Qazaqstan Prezıdenti Qasym-Jomart Toqaevtyń 2024 jylǵy 3 qańtardaǵy ótinishin taldaý jáne 2022 jylǵy qańtar oqıǵalaryna baǵa berý&raquo; taqyrybyna arnalǵan &laquo;Qańtar. Memlekettik tóńkeriske jasalǵan qadam. Qalaı boldy&raquo; atty fılm kópshilik nazaryna usynyldy &ndash; dep habarlaıdy Kazinform tilshisi.</p>

Іs-sharaǵa saıası jáne qoǵam qaıratkerleri, Qyrǵyzstannyń sarapshylar qaýymdastyǵynyń jetekshi ókilderi sondaı-aq qazaq dıasporasynyń músheleri qatysty.

Alǵash bolyp sóz alǵan Qazaqstannyń Qyrǵyz Respýblıkasyndaǵy Elshisi Rápil Joshybaev quttyqtaý sóz sóılep, 2022 jylǵy qańtar oqıǵasy Qazaqstan tarıhyndaǵy jańa dáýir bolǵanyn atap ótti. Elshi Memleket Basshysy Qasym-Jomart Toqaevtyń «Egemen Qazaqstan» gazetine bergen suhbatynyń negizgi tustaryna egjeı-tegjeıli toqtaldy.

Foto: Kazinform/Gúlmıra Abdrahmanova

Qatysýshylardyń nazaryna qańtar oqıǵasyna arnalǵan fılmdi usyna otyryp, qazaq halqy osy bir qorqynyshty daǵdarysty eńsergenin tilge tıek etti.

— Apat halyqtyń birligi men bıliktiń jan-jaqty sheshimine tanytqan batyl áreketteriniń arqasynda ǵana aldyn aldy, — dep atap ótti dıplomat.

Memlekettik basqarý jónindegi qyrǵyz sarapshysy Sheradil Baqtyǵulov Qasym-Jomart Toqaevtyń «Egemen Qazaqstan» gazetine bergen suhbaty jáne qańtar oqıǵalaryn baǵalaý týraly oı bólise otyryp, bul baıandama Qazaqstandaǵy oqıǵalardy aýqymdy túrde qarastyrýǵa shaqyratynyn atap ótti.

Foto: Kazinform/Gúlmıra Abdrahmanova

— QR Prezıdenti Qasym-Jomart Toqaev túrli derekkózderden mol aqparat ala otyryp, jańa Qazaqstannyń negizgi baǵyttaryn aıqyndaýy nemese Qańtar oqıǵasyna baǵa berýi strategııalyq perspektıvadan týyndaıdy, — dep esepteıdi saıasattanýshy.

Sheradil Baqtyǵulovtyń pikirinshe, QR Prezıdentiniń 2019 jyldan beri usynǵan bastamalarynyń jıyntyǵyn taldaý Qazaqstanda «barqyt» revolıýtsııa júrip jatqanyn rastaýǵa múmkindik beredi. Sarapshy qoǵamdyq jáne áleýmettik ǵylymdar turǵysynan «barqyt» uǵymy el basshylyǵy men halyqtyń edáýir bóliginiń eldegi ómirdi jaqsartýǵa umtylysy jolyndaǵy birligin bildiretinin túsindirdi. Onyń aıtýynsha, óıtkeni, 2022 jylǵy 5 maýsymdaǵy túzetýlermen jańa Qazaqstannyń Konstıtýtsııasynda «halyq únine qulaq asatyn memleket» tujyrymdamasynda kórinis tapqan Revolıýtsııa — Qazaqstannyń áleýmettik jáne saıası júıesin, memlekettik organdar men halyq arasyndaǵy qatynastardy túbegeıli qaıta qurý protsesi júrip jatyr.