Bishkek qolma-qol jol júrý aqysyn eki esege kóterýdi josparlap otyr

<p>ASTANA.KAZINFORM &mdash; Bul týraly Bishkek qalasy ákimdiginiń kólik jáne jol-kólik ınfraqurylymyn damytý departamentiniń dırektory Ulanbek Beıshenbaev málim etti.</p>

Tıisti qaýly jobasy qoǵamdyq talqylaýǵa shyǵaryldy.

Qazirgi ýaqytta qoǵamdyq kólikte qolma-qol tóleý kezinde jol júrý quny 20 som, al banktik aýdarym arqyly 17 som. Aıyrmashylyqtyń azdyǵynan jolaýshylar qolma-qol aqshasyz esep aıyrysýǵa kóshýge qulyqsyz.

Qoǵamdyq kólikte júrgende halyqty qolma-qol aqshasyz esep aıyrysýǵa shaqyrý úshin jergilikti bılik jol júrý aqysyn 40 somǵa deıin kóterýdi usynyp otyr.

Retteýshilik áserge taldaý júrgizilgennen keıin qujat Bishkek qalalyq keńesi depýtattarynyń qaraýyna usynylady.

Buǵan deıin el astanasy ákimi Aıbek Júnýshalıev tıisti qyzmetterge qoǵamdyq kommýnaldyq kólikte jol júrý aqysyn tóleý júıesin qaıta qaraýdy tapsyrǵan.

Aıta keteıik, Bishkekte jol jelisindegi keptelisterdi azaıtý jáne jol qozǵalysynyń barlyq qatysýshylary úshin keptelisterdi azaıtý, sondaı-aq qoǵamdyq kólikke suranysty arttyrý maqsatynda 2024 jyldyń mamyrynda qyzmetkerlerdiń jeke kólikterin paıdalanýyna shekteýler engizilgen bolatyn.

Buǵan deıin habarlanǵandaı, Qyrǵyzstanda kadrlyq is júrgizýdi tsıfrlandyrý bastaldy.